Бегаат над градот душите на копнежливите

   Додека сонцето ги издишува последните здивови над Скопје ова деноноќие, по него итаат илјадниците души натопени во копнеж, додека нивните тела долу јачат во самракот на немањето и на свирепата мисла дека и утредента нема да им ја донесе наситката.

Во разминување

   Фатени во „коридор“ помеѓу паркирани автомобили и ѕид, многумина ќе се разминат навалувајќи ги бргу чадорите настрана. Притоа многумина од нив ќе се допрат. Ќе остане по некоја мирисна трага на копнеж на тоа место.